MK | EN | SQ

skopje.gov.mk
Официјален портал на Град Скопје

СКОПЈЕ ЕВРОПСКА ПРЕСТОЛНИНА НА КУЛТУРАТА 2028

 

Град Скопје уште пред неколку години ја почна иницијатива, а денеска и официјално објави одлуката за номинирање на Скопје како можен кандидат за титулата на Европската комисија „Европска престолнина на културата“.

- Оваа апликација е доказ за нашите заложби за европски модерен град, каде што вистинските културни вредности ќе бидат на највисоко ниво. Сите активности на Градот во културата (како што е реновирањето на Универзална сала) ќе бидат насочени кон целта Скопје во 2028 да биде европска престолнина на културата.- истакна Шилегов.

Тој додаде дека да се биде европска престолнина на културата, не значи само реализирање на богата програма на настани, туку и освојување и оживување на нови културни простори што е потврда на културната различност на Европа и за тоа како културата обединува и не знае за граници.

 


Културата се повеќе зазема важно место во развојот на градовите, но и претставува двигател на урбаниот, социјалниот и економскиот развој. Искуството од досегашните европски престолнини на културата вели дека за секое вложени евро, во Градот ќе се враќаат неколкукратно повеќе. Токму затоа, оваа титула ќе значи и зголемен број на странски туристи и зголемена економска активност во градот. 

- 2028 ќе дојде набрзо и ќе помине, но она што овој град ќе го добие како наследство од сето тоа, ќе трае со години. Скопје и неговите граѓани (културни работници) ќе сторат се оваа наша апликација да стане реалност. Јас искрено верувам дека во 2028 година Скопје ќе биде Европска престолнина на културата и ќе се вброи во редот на еден Ливерпул, Даблин, Амстердам, Мадрид, Истанбул, Копенхаген - нагласи Шилегов.

Речиси и да нема главен град во Европа којшто не бил кандидат за оваа титула, бидејќи да се биде Европска престолнина на културата – град назначен од ЕУ за период од една календарска година е предизвик за секоја метропола.

Периодот за подготовка за стекнување на овој престижен статус му отвора можности на градот кандидат да го стимулира културниот развој и да ги поврзе институциите на културата за сите заедно да се подготват за изработување оргинална програма за аплицирање за титулата „Европска престолнина на културата“.

На конференцијата за медиуми присуствуваа и Роберт Алаѓозовски, национален координатор за развој на културата и меѓуресорска соработка и Филип Аврамчев, директор на Универзална сала.

- Ова е вистинската програма и вистинскиот процес низ кој треба да помине секој град кој сака да ја преиспита, да ја обнови и постигне ново  современо ниво на развој и квалитет на културата во градот - истакна во своето обраќање Роберт Алаѓозовски.

Назад   

Креиран од UserAA на 12.09.2018
ИНСТИТУЦИИ

 

  

НАЈАВИ
30.11.2019 ГРАД СКОПЈЕ ПРОДОЛЖУВА СО СУБВЕНЦИОНИРАЊЕТО НА ЧИСТЕЊЕТО НА ОЏАЦИТЕ ВО СКОПЈЕ
29.01.2019 JАВЕН ПОВИК ЗА ПРОЕКТИ ОД ОБЛАСТА НА ОБРАЗОВАНИЕТО
ПРОЦЕДУРИ И УСЛУГИ ЗА ЛОКАЛНИ ДАНОЦИ .

Facebook       Twitter        Youtube Channel

 


Администрација |  Контакт |  Прашања |  Разгледници
Copyright(C)2009 Град Скопје
Посетители: 12227057