Екипите на ЈП „Улици и патишта“ по налог на Градот Скопје денеска /17.02.2009 година/ извршија санација на коловозот на мостот во Сарај, по што мостот е повторно отворен за сообраќај.

Во рамките на овие активности санирани беа две големи ударни дупки на коловозот на мостот, со вкупна површина од 3 квадратни метри, а беа санирани и останатите помали дупки. Најпрвин беше извршено засекување на асфалтот и отстранување на оштетениот асфалт, по што беа поставени две метални плочи и заварени за конструкцијата на мостот.

За реконструкцијата на коловозот на мостот вкупно беа потрошени 2 тони ладна асфалтна маса.

Санацијата на коловозот на мостот е во рамките на редовната програма на Град Скопје за одржување и санирање на градските улици и финансиските средства се целосно обезбедни од буџетот на Град Скопје.