По снежните врнежи кои утрово го зафатија подрачјето на Скопје, екипите на зимската служба на Град Скопје веднаш излегоа на терен и почнаа да го расчистуваат снегот на градските сообраќајници.

Приоритетни во расчистувањето ќе бидат „црните“ точки - подвозниците, мостовите, високите зони кон Водно и Скопска Црна Гора, како и приодите кон јавните и здравствените институции. 

Во текот на денешниов ден, Кризниот штаб ќе ја следи состојбата на теренот и ќе интервенира според потребите.