Екипите на ЈП „Улици и патишта“ деновиве поставуваат заштитни столпчиња на тротоарите на улицата Благоја Стефковски. Столпчињата се поставуваат за да се оневозможи пристап со моторни возила на тротоарите од двете страни на сообраќајницата и за да се зголеми безбедноста на пешаците.

Во изминативе денови се поставени 55 столпчиња. Во текот на денешниот ден се планира да се постават уште дваесетина столпчиња.

По налог на Градот Скопје, екипите на ЈП „Улици и патишта“ на тротоарите на улицата Благоја Стефковски ќе постават вкупно 180 столпчиња, високи еден метар и со дијаметар од 100 милиметри.