MK | EN | SQ

skopje.gov.mk
Официјален портал на Град Скопје

СЕ УРЕДУВА ЗЕЛЕНИЛОТО ВО ГРАДСКИ ПАРК

 

ЈП „Паркови и зеленило“ по налог на Град Скопје поради поволните временски услови почна да ја реализира Програмата за подигање и реконструкција на јавното зеленило на подрачјето на град Скопје.

Екипите на ЈП „Паркови и зеленило“ се излезени на терен и работат на уредување на  зеленилото на две локации во Градски Парк.

Првата локација  спроти Хотел Канет и езерцето кај Стадионот е со површина од 4.400 квадратни метри, а втората површина од 1.900 квадратни метри е спроти паркингот пред Фонтаната Лотосов цвет и влезот во Градски парк, бидејќи постојната тревна површина е од пред 40 години и е со надмината физиолшка старост.

На двете површини ќе се засадат вкупно 200 украсни грмушки, перени и листопадни садници што ќе ги надополнат  постојните  дрвореди. Исто така, на новите површини ќе се постави и нова хидрантска мрежа од 700 метри, ќе се заменат оштетените прскалки и ќе се постават нови во делот каде што никогаш немало поставено прскалки за наводнување на зеленилото во вкупен број од 70 парчиња.

За реконструкција  на овие две површини во Градскиот парк од Буџетот на Град Скопје ќе се издвојат околу 4.500.000 денари.

Назад   

Креиран од UserAA на 08.02.2018
ИНСТИТУЦИИ

 

  

НАЈАВИ
20.04.2018 ЈАВЕН ПОВИК ЗА УМЕТНИЧКИ ПРЕСТОЈ ВО СКОПЈЕ

Facebook       Twitter        Youtube Channel

 


Администрација |  Контакт |  Прашања |  Разгледници
Copyright(C)2009 Град Скопје
Посетители: 11053617