Sektori i revizionit të brendshëm

Në mbështetje të nenit 21 të Vendimit për organizimin, fushëveprimin dhe mënyrën e realizimit të detyrave të administratës së Qytetit të Shkupit (“Fleta Zyrtare e Qytetit të Shkupit” nr. 12/2005 dhe 06/2008), Sektori i revizionit të brendshëm merret me çështjet më poshtë:

1. Realizon revizionin e brendshëm në bazë të ligjit dhe sistemit dhe procedurave të revizionit të brendshëm, të parapara nga Qyteti i Shkupit, në përputhje me standardet ndërkombëtare për punë profesionale të revizionit të brendshëm, të pranuara nga Ministria e Financave;

2. Merret me përgatitjen e planit strategjik dhe vjetor të revizionit të brendshëm dhe pas aprovimit nga ana e Kryetarit të Qytetit të Shkupit siguron realizimin dhe monitorimin e tyre;

3. Informon Kryetarin në rastet e dyshimeve lidhur me parregullsi dhe/ose mashtrime që mund të rezultojnë me procedura penale, kundërvajtjeje ose disiplinuese;

4. Dorëzon raporte lidhur me revizionin e brendshëm drejtuar Kryetarit;

5. Merret me përgatitjen e raporteve vjetore lidhur me funksionimin e revizionit të brendshëm;

6. Merret me vlerësimin e faktorëve me rëndësi të rrezikut dhe i jep këshilla Kryetarit të Qytetit të Shkupit për uljen e faktorëve të rrezikut;

7. Në bazë të analizave të funksionimit, vërteton dhe vlerëson aspektin ekonomik, efikasitetin dhe efektivitetin e funksionimit të sistemeve të administrimit financiar dhe kontrollit dhe jep rekomandime lidhur me përmirësimin e punës së administratës;

8. Vërteton dhe vlerëson përputhjen e funksionimit me ligjet, aktet nënligjore dhe aktet e organeve të Qytetit të Shkupit;

9. Merret me çështje të tjera në bazë të ligjit.