Kryetari i Qytetit të Shkupit, Koce Trajanovski, sot /11.07.2016/ e vizitoi shkollën mesme të Qytetit të Shkupit "Georgi Dimitrov", ku tani gjatë pushimeve të verës po kryhet rinovimi i fasadës së objektit shkolor.

- Qyteti i Shkupit këtë vit, gjatë pushimeve të verës, në mënyrë që të përmirësohen kushtet për mësim të nxënësve, bën rikonstruimin e objekteve të  shkollave të mesme që janë nën kompetenca të Qytetit. Këtë verë punime po realizohen në 16 shkolla të mesme, ndërkaq Qyteti i Shkupit për këtë projekt nga buxheti i tij ka ndarë 22,326,063 denarë. Në shkollën e mesme "Georgi Dimitrov" po bëhet riparimi i fasadës të objektit shkollor, gjegjësisht po bëhet përpunimi i i  mureve të fasadës me izolim termik me stiropor me trashësi 10 centimetra, mbi të cilën pastaj vendoset malter i fasadës dekorative. Sipërfaqja e përgjithshme e fasadës së shkollës është 2,032 metra katror. Me rikonstruksionin e fasadës së shkollës së mesme "Georgi Dimitrov" do të përmirësohen karakteristikat energjetike të objektit. Për këtë projekt, Qyteti i Shkupit nga buxheti ka ndarë rreth 5 milion denarë. Gjatë viteve të kaluara në këtë shkollë të mesme u zëvendësua kulmi i shkollës me kulm të ri, dyshemetë në klasa, dritaret, dhe gjithashtu u bë gazifikimi i objektit. Në vitet e fundit, nga viti 2009 deri në vitin 2015, Qyteti i Shkupit për rikonstruimin dhe sanimin e shkollave të mesme nga buxheti ka ndarë rreth 230 milionë, dhe në këtë mënyrë i kemi përmirësuar kushtet për punë dhe mësim për nxënësit dhe mësimdhënësit - tha kryetari Trajanovski

Sipas planit për punë gjatë pushimeve të verës në shkollën e mesme "Nikolla Karev" riparohet dyshemeja në sallën e fiskullturës; në shkollën e mesme "Rade Jovçevski Korçagin" gjitahshto do të riparohet dyshemeja në sallën e fiskullturës; në shkollën e mesme "Josip Tito Broz do të zëvendësohen dyert dhe dritaret; në shkollën e mesme "Orce Nikolov", punohet në rinovimin e toaleteve; në shkollën e mesme "Vasil Antevski Dren", punohet në riparimin e dritareve; në shkollën e mesme "Maria Sklodovska Kiri" po bëhet rikonstruimi i dyshemesë të shkollës; në shkollën e mesme "Dimitar Vllahov" po bëhet rindërtimi i terrenit sportiv; në SHMQSH "Vëllezerit Milladinovci” po punohet në rindërtimin e oborrit shkollor; në SHMQSH "Boro Petrushevski" zëvendësohet kulmi i vjetër me të ri; në shkollën e mesme "Zef Lush Marku" po bëhet sanimi i kulmit; në shkollën e mesme "Cvetan Dimov" po rinovohen toaletet; dhe në shkollën e mesme "Arseni Jovkov", në "8 shtatori", në SHMSHQ "Zdravko Cvetkovski" dhe në SHMSHQ “Lazar Tanev" po bëhet rikonstruimi i dyshemeve në këto shkolla.

Punimet ndërtimore  për rikonstruimin e objekteve dhe të sallave sportive të shkollave të mesme të Qytetit të Shkupit, do të kontribuojnë në përmbushjen e standardeve për efikasitetin e energjisë dhe dukshëm do ta përmirësojnë funksionalitetin dhe pamjen e objekteve shkollore.