Nesër /30.11.2017/ në ora 9:30 në sallën e Këshillit të Qytetit të Shkupit do të mbahet  prezantimi i analizës së fizibilitetit të mundësive për reduktimin e rrezikut nga vërshimet në rajonin e Shkupit,  të cilën Qyteti i Shkupit e ka përpiluar në bashkëpunim me UNDP-në. Përgatitja e kësaj analize është në kuadër të projektit Rritja e rezistencës urbane duke zbatuar TIK për reduktimin e rreziqeve nga katastrofat dhe ndryshimet klimatike.

Katastrofat natyrore dhe pasojat e ndryshimeve klimatike janë një realitet në kohën në të cilën  jetojmë. Zhvillimi i bashkësive lokale në shekullin e 21 nënkupton investim në rezistencën e tyre, duke shmangur kështu humbjen e jetëve njerëzore dhe shpenzimet për rinovim dhe rikonstruksion, ndërsa në të njëjtën kohë rriten kapacitetet e burimeve natyrore dhe njerëzore, si dhe sistemet për menaxhim.