![](/media/2432/prezentacija-proekt-giz-za-energetska-edinaksnost-mart-2018-nalsovna.jpg)
QYTETI I SHKUPIT PJESË E PROJEKTIT NDËRKOMBËTAR PËR ZHVILLIMIN E EFIKASITETIT ENERGJETIK 21.3.2018
Këto ditë, Qyteti i Shkupit organizoi punëtori në kuadër të projektit ndërkombëtar "Fondi i hapur rajonal për Evropën Juglindore – Efikasiteti energjetik" (Open regional fund for South-Eastern Europe – Energy Efficiency).
Ky projekt udhëhiqet nga GIZ - Shoqata gjermane për bashkëpunim ndërkombëtar (Deutsche Gesellschaft für Internationale Zusammenarbeit) dhe aty marrin pjesë një numër i madh i vendeve të Evropës Juglindore, si: Maqedonia, Serbia, Bosnja dhe Hercegovina, Kosova dhe Mali i Zi, si dhe Kroacia si shtet model.
Ky projekt fokusohet në efikasitetin e energjisë përmes mobilitetit të qëndrueshëm urban në qytetet e Evropës Juglindore, dhe paraqet mbindërtim ose vazhdim të projekteve të deritanishme dhe aktiviteteve që dalin nga Letra qëllimore e cila u nënshkrua në konferencën ndërkombëtare në Berlin, në prill të vitit 2017, si pjesë e “Rrjeti i qyteteve me efikasitet të lartë energjetik në Evropën Juglindore".(Network of Energy-Efficient Capital Cities in South-East Europe). Në këtë takim Letra qëllimore është nënshkruar nga qytetet e Shkupit, Podgoricës, Tiranës, Prishtinës, Sarajevës dhe Zagrebit, si dhe nga qyteti gjerman Freiburg, si qytet model për praktika të mira.
Në punëtori, përveç punonjësve në administratën e Qytetit të Shkupit, morën pjesë përfaqësues të ndërmarrjeve publike të qytetit, përfaqësues nga një numër i madh i ministrive, komunave dhe përfaqësues të shumë shoqatave qytetare. Në takim para të pranishmëve u drejtuan një numër i madh përfaqësuesish nga Shoqata gjermane për Bashkëpunim ndërkombëtar të cilët folën për qëllimet e projektit, mënyrën për pjesëmarrje dhe përfitimet që rrjedhin prej projektit.
Përfaqësuesit e Shoqatës gjermane për bashkëpunim ndërkombëtar sot realizuan takim me kryetarin e Qytetit të Shkupit, Petre Shilegov ku ia prezantuan projektin.
Qëllimi i projektit "Fondi i hapur rajonal për Evropën Juglindore – Efikasiteti energjetik" është mbështetje për qytetet e Evropës Juglindore përmes shkëmbimit të përvojave dhe praktikave të mira në fushën e efikasitetit energjetik në drejtim të realizimit të angazhimeve dhe obligimeve për uljen e shpenzimit të energjisë, rritjen e efikasitetit energjetik dhe reduktimit të emisioneve të dioksidit të karbonit.
- ВЕСТИ
- 27.02.2024 - NJOFTIM PUBLIK
- 22.02.2024 - NJOFTIM PUBLIK
- 19.02.2024 - NJOFTIM PUBLIK
- 19.02.2024 - Njoftim për fitimin e së drejtës së përdorimit pa pagesë të vendeve për vendosjen e pllakateve zgjedhore.
- 15.02.2024 - NJOFTIM PUBLIK
- 14.02.2024 - NJOFTIM PUBLIK
- 08.02.2024 - NJOFTIM PUBLIK
- 08.02.2024 - NJOFTIM PUBLIK
- 06.02.2024 - NJOFTIM PUBLIK
- 05.02.2024 - NJOFTIM PUBLIK