Kryetari Shilegov, së bashku me drejtorin sportiv të Federatës maqedonase të basketbollit (ICF), Vladimir Temelkovski, mbajtën konferencë për media në sallën sportive "Jane Sandanski", ku i shpalosën detajet e kampionatit të ardhshëm evropian të basketbollit nën 18 vjeç, ku Shkupi do të jetë nikoqir . Në pres konferencë ishte gjithashtu i pranishëm edhe selektori i reprezentacionit të basketbollit ne kategorinë e  meshkujve nën 18 vjeç, Pance Milevski dhe kapiteni i reprezentacionit, Luka Stojanoski.

 

 

- Është nder dhe kënaqësi që Shkupi këtë vit të jetë nikoqir i Kampionatit evropian (Divizioni B) për basketbollistët deri në moshën 18 vjeçare, kampionati më masiv i të rinjve me pjesëmarrjen e 24 ekipeve dhe gjithsej 300 pjesëmarrës. Kampionati zgjat nëntë ditë, duke i llogaritur edhe dy ditët e pushimeve (30 korrik dhe 2 gusht), dhe fillon më 27 korrik deri mi më 5 gusht 2018 - tha Shilegov.

 

 

Ndeshjet do të luhen në QRS Kale (salla e madhe) ku reprezentacioni ynë do të luajë të gjitha ndeshjet e fazës grupore, në QS "Jane Sandanski", si dhe në Vip Arena në QS "Boris Trajkovski".

- Qyteti i Shkupit edhe më tej do të vazhdojë të mbështesë ngjarjet që zhvillojnë frymën sportive të të rinjve, sepse ato janë e ardhmja jonë, ardhmëria e këtij qyteti. Përveç investimeve në sportin rekreativ, masiv dhe sportin për persona me nevoja të veçanta, do të investojmë më shumë në sportet e shkollave të mesme. Këtë vit ne kemi dhënë 100 bursa për sportistet - nxënës të shkollave të mesme në shkollat e mesme në Qytetin e Shkupit - theksoi Shilegov në konferencën e sotme për media.

 

 

Ai shtoi se aktivitetet sportive janë vegël e rëndësishme në zhvillimin e të rinjve dhe planifikon të qëndron në përputhje me detyrën e tij si kryetar që në çdo mënyrë të mundshme t'i mbështes të gjithë të rinjtë që janë të motivuar të merren me sport, pavarësisht nëse e bëjnë atë profesionalisht apo në mënyre rekreative.