![](/media/2273/zapocna-rekonstrukcija-na-partizanski-odredi-vo-vlae-naslovna.jpg)
FILLOI RINDËRTIMI I BULEVARDIT ARADHET PARTIZANE NË VLLAE 23.11.2018
Sot filluan punimet ndërtimore për rikonstruksionin e bulevardit “Aradhat partizane” në lagjen Vllae në Karposh.
Në fillimin e punimeve ndërtimore mori pjesë edhe kryetari Shilegov.
- Qyteti i Shkupit e filloi rindërtimin e bulevardit “Aradhat partizane” në pjesën nga ura “Kombet e Bashkuara” deri te rrethrrotullimi me rrugën “Aco Shopov” në gjatësi prej rreth 850 metra. Me qëllim punimet të zhvillohen më shpejt dhe sa më pak ta pengojmë lëvizjen e qytetarëve gjatë rindërtimit, aktivitetet ndërtimore ndahen në dy faza dhe do të kryhen nga dy kompani të ndryshme. Për rindërtimin e bulevardit “Aradhat partizane” Qyteti i Shkupit do të ndajë rreth 19 milionë denarë – tha kryetari Shilegov.
Në këtë pjesë të bulevardit, me një gjatësi totale prej 835 metrash, do të hiqet tërësisht dhe do të shtrohet shtresë e re e asfaltit. Gjithashtu, pusetat e dëmtuara do të zëvendësohen me të reja dhe ato ekzistuese do të nivelohen, dhe të gjitha shtyllat e dëmtuara do të zëvendësohen me të reja.
Kryetari Shilegov u bëri thirrje të gjithë pjesëmarrësve në trafik që t'i përmbahen regjimit të përkohshëm të trafikut, të respektojnë sinjalizimin e vendosur në këtë rrugë dhe shpejtësinë e lëvizjes ta përshtatin me kushtet e rrugës, njëkohësisht ai bëri lutje për mirëkuptim për vështirësitë në rrjedhën e trafikut deri në përfundimin e rindërtimit.
Rikonstruksioni i bulevardit "Aradhat partizane" është një nga rikonstruksionet e rrugëve që janë realizuar në këtë periudhë, në mënyrë që të sigurohet trafik më i shpejtë, më i sigurt dhe më efikas në qytetin tonë. Më herët ka filluar edhe faza e dytë e projektit për ndërtimin e bulevardit Hristian Todorovski Karposh" në Butel dhe rikonstruksioni i rrugës "Aco Shopov", dhe në periudhën e ardhshme do të fillojë rikonstruksioni i rrugëve "Bradfordska" dhe "Londonska" në Karposh, rruga "Anton Popov" në Kisella Vodë, si dhe ndërtimi i bulevardit të sapo projektuar "Bosnja dhe Hercegovina".
- ВЕСТИ
- 27.02.2024 - NJOFTIM PUBLIK
- 22.02.2024 - NJOFTIM PUBLIK
- 19.02.2024 - NJOFTIM PUBLIK
- 19.02.2024 - Njoftim për fitimin e së drejtës së përdorimit pa pagesë të vendeve për vendosjen e pllakateve zgjedhore.
- 15.02.2024 - NJOFTIM PUBLIK
- 14.02.2024 - NJOFTIM PUBLIK
- 08.02.2024 - NJOFTIM PUBLIK
- 08.02.2024 - NJOFTIM PUBLIK
- 06.02.2024 - NJOFTIM PUBLIK
- 05.02.2024 - NJOFTIM PUBLIK