Ekipet e Qytetit të Shkupit sot filluan fazën e parë të rikonstruksionit të rrugës Lazar Trpovski në Komunën e Çairit. Sot, kryetari Petre Shilegov i mbikëqyri punimet ndërtimore në këtë rrugë.

- Qyteti i Shkupit vazhdon intensivisht me rindërtimin e rrugëve kryesore në qytetin tonë. Para disa ditëve kemi filluar rikonstruksionin e rrugës Lazar Trpovski, në pjesën nga rrethrrotullimi me rrugën Brigada e dytë maqedonase deri te udhëkryqi me rrugën Petar Içko. Është planifikuar të përfundojë brenda 20 ditëve, kështu që presim që pas rikonstruksionit në këtë pjesë, qytetarët të fitojnë rrugë të sigurta, që është edhe qëllimi jonë. Për rindërtimin e kësaj rruge, Qyteti i Shkupit do të shpenzojë rreth 2.5 milion denarë me TVSH të llogaritur - tha Shilegovi.

Me rikonstruksionin është planifikuar gërryerje e rrugës dhe vendosja e asfaltit të ri në sipërfaqe prej 2.400 metra katrorë.

Gjatë verës  do të vazhdojë rindërtimi i disa bulevardeve dhe rrugëve nën kompetencë të  Qytetit të Shkupit. Rindërtimet në të gjitha rrugët këtë sezon po përfundojnë me afate të shkurtra rekorde, me qëllim për të siguruar kushte për zhvillimin e trafikut pa bllokime.

Shilegovi, përsëri u bëri lutje qytetarëve për mirëkuptim derisa të zgjasin aktivitetet ndërtimore. Ai gjithashtu u bëri thirrje të gjithë pjesëmarrësve në trafik që të respektojnë sinjalizimin e vendosur rrugor dhe t'i ndjekin informatat mbi regjimin e përkohshëm të trafikut të cilat i publikon Qyteti i Shkupit.