Thirrja publike për subvencionimin e qytetarëve në territorin e qytetit të Shkupit për blerjen e biçikletave përfundoi. Thirrja publike zgjati nga 26 gusht 2022 deri më 1 nëntor 2022 dhe për të aplikuan 1.370 qytetarë.

Qëllimi i Thirrjes publike është përmirësimi i cilësisë së ajrit në qytetin e Shkupit, zvogëlimi i ndotjes së shkaktuar nga trafiku dhe përmirësimi i shëndetit të njerëzve nëpërmjet stimulimit të qytetarëve të qytetit të Shkupit për të përdorur biçikleta.

Mjetet të cilat i subvencionon Qyteti i Shkupit janë në vlerën prej 50% të vlerës së një biçiklete, por jo më shumë se 4.000,00 denarë për person, duke përfshirë tatimin mbi të ardhurat personale.

Ju rikujtojmë se thirrjet publike për subvencione për blerjen e biçikletave dhe trotineteve elektrike për të rinjtë e moshës nga 15 deri në 29 vjeç janë ende në vijim dhe do të zgjasin deri më 15 nëntor 2022.