Qyteti i Shkupit dhe Qendra për Mbështetjen e Personave me Aftësi të Kufizuara Intelektuale „PORAKA“ Shkup nënshkruan marrëveshje për mbështetjen e dy qendrave për personat me aftësi të kufizuara intelektuale “PORAKA” të cilat gjenden në lagjet Aerodrom dhe Kapishtec, që është parashikuar në Programin e aktiviteteve nga fusha e mbrojtjes sociale, fëmijëve dhe shëndetësore në qytetin e Shkupit për vitin 2022. 

Qendrat ditore për personat me aftësi të kufizuara intelektuale – PORAKA sigurojnë mbështetje për personat me aftësi të kufizuara intelektuale në baza ditore, trajnim për përvetësimin dhe përsosjen e aftësive për jetë të pavarur, programe pune-profesioni, programe arsimore dhe aktivitete sociale. Pjesë e aktiviteteve programore janë edhe komunikimi dhe shoqërimi në grup dhe jashtë tij, rehabilitimi fizik, programe trajnuese për zhvillimin e aftësive për krijimtari kulturore, aftësimi për punë me kompjuter dhe programe kompjuterike, programe trajnuese për përvetësimin e zanateve tradicionale etj. 

Qendra ditore – PORAKA që gjendet në bulevardin “Jane Sandanski” nr. 70, lok. 1, prapa QT „Biser“, në Komunën e Aerodromit, punon çdo ditë pune, nga ora 7 deri në orën 16:30.

Qendra për Personat me Aftësi të Kufizuara Intelektuale mbi moshën 18-vjeç, gjendet në rrugën “Vasil Gjorgov” nr. 4, në Kapishtec.