Nga sot e deri më datë 17.03.2020 shkollat ​​e mesme të Qytetit të Shkupit hapin dyert për univerzitetet për prezantimin dhe promovimin e programeve të tyre të studimit para nxënësve të shkollave të mesme. Përmes projektit "Shkollat ​​e qytetit të Shkupit me dyer të hapura për fakultetet dhe univerzitetet për të promovuar programet e tyre studimore", të cilin Qyteti po e realizon për herën e tretë me radhë, universitetet do t'u mundësojnë studentëve të ardhshëm informata për mundësitë për zhvillim profesional. Me mundësitë për studime sot të parët u njoftuan nxënësit nga shkolla e mesme “Nikolla Karev”, dhe në ditët në vijim prezantime të tilla do të mbahen në të gjitha 23 shkollat ​​e mesme të qytetit të Shkupit.

Qëllimi i këtij aktiviteti është t'u mundësojë nxënësve përmes bisedave dhe komunikimit të drejtpërdrejt me përfaqësuesit e fakulteteve, në mjedisin e tyre shkollor dhe në ditën e caktuar për t'u njoftuar me fakultetet, të marrin përgjigje për mundësitë e studimit dhe të marrin vendime në bazë të informative relevante për zhvillimin e tyre profesional. Në këtë mënyrë, përmes kontaktit dhe komunikimit të drejtpërdrejtë, nxënësve u ndihmohet të zgjedhin profesionin e tyre, inkurajohen të rimendojnë dhe rivlerësojnë vendimet e tyre, dhe të përqendrohen në hulumtimin për ndonjë profesion të caktuar.

Në të njëjtën kohë, fakultetet do të kenë mundësinë të takohen me studentët e ardhshëm, të cilët do të ndjekin prezantimet e tyre.

Është veçanërisht e rëndësishme për nxënësit që nga përfaqësues zyrtarë të fakulteteve të informohen në kohë dhe me saktësi për mundësitë potenciale të punësimit dhe nevojat e tregut të punës. Mbi të gjitha, një nga arsyet e kësaj iniciative është fakti që shumë maturantë të shkollave të mesme nuk kanë vendosur ende se në çfarë fushe duan të profilizohen dhe se vizita e panaireve dhe promovimeve mediatike të organizuara nga univerzitetet dhe fakultetet janë të pamjaftueshme për të bërë dallimin midis zgjedhjes dhe mundësive.