Inspektorët e Qytetit të Shkupit së bashku me inspektorët e mjedisit të komunave të Shkupit filluan aksionin e koordinuar për deponitë dhe vendgrumbullimet e mbetjeve në prona private.

Aksioni përfshin evidentimin, gjetjen e pronarëve të pronës, detyrim me procesverbal dhe aktvendim për pastrimin e pronës në afatin e caktuar. Nëse subjektet nuk veprojnë sipas aktvendimit, prona do të pastrohet nga ndërmarrjet publike komunale me shpenzimet e pronarit.

Aksioni i përbashkët i inspektorëve të mjedisit të Qytetit të Shkupit dhe komunave në terren po realizohet në komunën Qendër në vendbanimin Kërnjevo, ku me ndihmën e mekanizimit po pastrohet deponia e përbërë nga goma të dëmtuara automobilash të lëna në pronë private të parrethuar, ku u ngritën rreth 700 goma, gjë me të cilën u parandalua ndezja potenciale e tyre dhe ndotja e ajrit dhe mjedisit.