Të nderuar,

Pas një ndërprerje dyvjeçare të të gjitha eventeve kulturore dhe muzikore për shkak të pandemisë Kovid, sivjet për të dymbëdhjetën herë nga data 4 deri më 8 maj do të mbahet “Vinoskop 2022”, i cili nuk ishte organizuar as në katër vitet e fundit, edhe pse për shkupjanët është një event me renome dhe urban ku qytetarët mund të shijojnë performancat muzikore dhe verën e mirë maqedonase.

Në konferencën e sotme për media të mbajtur në Qytetin e Shkupit, organizatorët e “Vinoskop 2022” promovuan interpretuesit dhe grupet muzikore që do të performojnë nga data 4-8 maj në sheshin e Shkupit. Këtë vit për herë të parë eventi do të pasurohet me një numër më të madh kantinash që do të ofrojnë produktet e tyre.

Në pesë ditët e ardhshme shkupjanët do të shijojnë programin vërtet të pasur që do të jetë në repertorin e "Vinoskop 2022", gjegjësisht të argëtohen me muzikën e interpretuesve dhe grupeve muzikore vendase, ndërsa për disponimin e  mirë do të kontribuojnë edhe kantinat maqedonase të cilat do të erëzojnë tingujt muzikorë me verërat e tyre.

Shkupjanët meritojnë që qyteti të ketë evente kaq të bukura kulturore dhe për këtë arsye Qyteti i Shkupit në periudhën e ardhshme do ta vërë theksin në evente të tilla, për të ngritur nivelin kulturor dhe argëtimin të denjë për qytetarët e Shkupit, si dhe për të gjithë mysafirët nga rajoni që do të marrin pjesë në këtë event të bukur.