Kryetarja e Qytetit të Shkupit, Danela Arsovska dhe kryetari i Qytetit të Romës, Roberto Gualtieri, sot nënshkruan Memorandum për vendosjen e bashkëpunimit, marrëdhënieve miqësore, aktiviteteve të përbashkëta, shkëmbimit të përvojave në fushën e kulturës dhe mjedisit, si dhe për gjetjen e zgjidhjeve për sfidat me karakter socialo-ekonomik.

Me Memorandumin, Shkupi dhe Roma do të mbështesin dhe inkurajojnë mbështetjen reciproke për iniciativat që synojnë bashkëpunimin dhe zhvillimin në fushën e urbanizmit, rigjenerimit urban, mbrojtjes së mjedisit, kulturës dhe për iniciativat që synojnë bashkëpunimin dhe zhvillimin në fushën e përfshirjes dhe inovacionit.

Në takimin e sotëm, kryetarja Arsovska e njohu kryetarin Gualtieri me aktivitetet e Qytetit të Shkupit në suazat e kandidaturës së Shkupit për titullin prestigjioz Kryeqytet i Kulturës Evropiane dhe theksoi mbështetjen e Shkupit për kandidaturën e Romës për Expo 2023.