Konstantin Petreski në seancën e dytë të mbajtur sot u zgjodh njëzëri për kryetar të Këshillit Ekologjik të Qytetit.

Në seancë për nënkryetar të Këshillit Ekologjik të Qytetit u zgjodh aktivisti i ekologjisë nga Iniciativa Qytetare “Qyteti i Gjelbër Human”, Marjan Kalevski.

Këshilli Ekologjik i Qytetit ka si synim përmirësimin dhe mbrojtjen e mjedisit në qytet, krijimin e politikave për zbatimin e aktiviteteve për vendosjen e zgjidhjeve sistemore për uljen e ndotjes, si dhe vendosjen e standardeve të reja për mbrojtjen e mjedisit. Këshilli përbëhet nga njëzet e pesë ekspertë dhe përfaqësues të sektorit civil në fushën e planifikimit urban, urbanizmit, arkitekturës, komunikacionit, energjetikës dhe mbrojtjes së mjedisit.

Ky Këshill ka për qëllim të krijojë politika në fushën e ekologjisë, komunikacionit, planifikimit urban, të propozojë strategji dhe të japë këshilla për zhvillimin e Shkupit.