Sot, në hapësirat e Qytetit të Shkupit, vazhdoi dialogu social me përfaqësuesit e zjarrfikësve të Shkupit për zgjidhjen e problemit dhe gjetjen e zgjidhjeve të reja për kërkesat e tyre sindikale. Në takim morën pjesë përfaqësues të LSM dhe Sindikatës së Pavarur të Zjarrfikësve, Kryetari Petre Shilegov, Këshilltari në Qeveri i Punës dhe Politikës sociale, Millan Zivkovic dhe Vladimir Ivcev i Ministrisë së Mbrojtjes.

-Në takimin e sotëm diskutuam se si të arrihen zgjidhje të shpejta për pagesën e shtesave të pagave në lidhje me rrezikun dhe rrezikun në punë sipas të cilave pjesëtarët e brigadës zjarrfikëse duhet të marrin pagë 20% më të lartë, duke filluar nga viti 2014, por edhe për zgjidhje sistematike që do të nënkuptojnë ndryshime ligjore në Kuvend që do të sigurojnë më shumë mjete financiare për zjarrfikësit. Lajmi i mirë është se ekziston vullneti politik për të kapërcyer problemin si në BNJVL ashtu edhe në Qeverinë e RMV, ka mjete buxhetore dhe ka dialog me LSM dhe Sindikatën e Pavarur të Zjarrfikësve. Problemi lindi gjatë qeverisjes së qeverisë së mëparshme, por kjo nuk do të thotë që kjo qeveri nuk do ta zgjidhë atë. Në fakt, ky është ndryshimi në mënyrën e qeverisjes dhe përgjegjësisë para qytetarëve, derisa disa krijuan probleme, ne i zgjidhim ato - tha Shilegov.

Në takim, zjarrfikësve iu ofrua rregullore e re e pagave dhe u ra dakord që dialogu social  të vazhdon të mërkurën e ardhshme.

Shilegov në takim shtoi se zgjidhjet janë kërkuar edhe në periudhën para se të fillojë protesta e zjarrfikësve, por përmes dialogut ata arritën në përfundimin se zgjidhje të tilla nuk janë mjaftueshëm të shpejta dhe të pranueshme për sindikatën, kështu që së bashku me Qeverinë po punojmë për gjetjen e zgjidhjeve që mund hyjnë në fuqi këtë muaj.

-     Shpreh falënderim të madh për anëtarët e Brigadës Zjarrfikëse të Qytetit të Shkupit për mirëkuptimin e treguar të kompleksitetit të problemit dhe gatishmërinë për të arritur zgjidhje optimale përmes dialogut përmes të cilit do të rriten pagat dhe shtesat, madje edhe para miratimit të ndryshimeve ligjore në Kuvend - tha Shilegov pas takimit me zjarrfikësit.