Në Thirrjen publike për subvencionimin e qytetarëve në territorin e qytetit të Shkupit për blerjen e biçikletave, e cila është shpallur më 26.08.2022, deri më tani kanë aplikuar mbi 1200 qytetarë. Qyteti i Shkupit njofton qytetarët se buxheti i parashikuar për këtë lloj subvencioni ende nuk është shfrytëzuar dhe ka mjete për subvencione për biçikleta.

Qyteti i Shkupit inkurajon qytetarët që të aplikojnë për subvencione për biçikleta dhe në këtë mënyrë të japin kontributin e tyre në mbrojtjen e mjedisit.

Thirrja publike do të zgjasë deri më 01.11.2022 ose deri në shterimin e mjeteve të parashikuara nga Buxheti i Qytetit të Shkupit për këtë qëllim. Mjetet që do të subvencionojë Qyteti i Shkupit janë në vlerën 50% të vlerës së një biçiklete, por jo më shumë se 4.000,00 denarë për person, duke përfshirë tatimin mbi të ardhurat personale.