Të nderuar,

 

Informojmë publikun se ushtruesit të detyrës drejtor i Ndërmarrjes së Transportit Publik, Ivan Ilievski, i përfundoi mandati si U.D. Drejtor. Procedura për zgjedhjen dhe emërimin e U.D. të ri Drejtor i NTP-së është në vijim.

Kryetarja e Qytetit të Shkupit, Danela Arsovska, falënderoi drejtorin aktual për bashkëpunimin profesional në Ndërmarrjen e Transportit Publik, të cilën e trashëgoi me borxhe të shumë milionëshe, por edhe përkundër gjendjes së keqe të ndërmarrjes publike me menaxhimin e mirë dhe punë të përkushtuar, ndërmarrjen e lë në një mjedis të mirë organizativ, me një numër të madh problemesh të zgjidhura si të qytetarëve ashtu edhe të punonjësve

Nga marrja e funksionit, në një afat një mujor,  u.d. drejtor Ivan Ilievski në NTP, ndërmori shumë masa për rritjen e numrit të autobusëve në të gjitha linjat, ndërsa shumë linja të cilat ishin mbyllur përkohësisht për gati dy vjet u kthyen në funksion.

Në të njëjtën kohë, u lëshuan në qarkullim disa linja provë, të gjitha për t’u lehtësuar qytetarëve, përdoruesve të transportit publik, transport më të arritshëm dhe më të shpejtë nga/deri në destinacionet e duhura.

 

U vendosën/zgjatën linja provë:

-Linja nate (61 Q. Transportuese - Pobozhje dhe 63 Q. Transportuese - Mralinë)

- Vazhdoi periudha provë për linjat: 50А Q. Klinike - Hipodrom 2 dhe 29 Zhdanec - Karposh 3.

 

Krahasuar me këtë periudhë, për dallim nga viti i kaluar kur çdo ditë në trafik ishin përfshirë 140 automjete, tani transporti publik zhvillohet me 270 automjete. Me këtë reduktohet automatikisht intervali i pritjes, pra mbërritja/nisja e automjeteve në secilën linjë.

Pas pothuajse dy vitesh ndërprerjeje për shkak të masave Kovid, filluan:

-Linjat e natës (28.12.2021)

-Teleferiku (30.12.2021)

-Tri linjat e autobusit deri në Vodnon e Mesme (30.12.2021)

-Transporti falas për personat e moshuar (25.03.2022)

-U vendos edhe bileta ditore (11.04.2022)

-U lëshuan linja autobusi të përkohshme deri në QS "Boris Trajkovski", si mbështetje e Panairit të librit 2022.

 

Me punë të përgjegjshme dhe me nikoqirllëk në pjesën e financave në periudhën janar/mars 2022:

Janë realizuar të ardhura nga punët rrjedhëse në vlerë prej 45,7 milionë denarë. Të ardhurat e përgjithshme janë rritur në krahasim me të njëjtën periudhë të vitit të kaluar për 65%. Janë realizuar dispozita ligjore për pagën minimale dhe pagesën e kompensimit për punën të dielën.

Nga marrja e funksionit janë zhvilluar takime pothuajse me të gjitha bashkësitë urbane/komunat  për zgjidhjen e problemeve me transportin publik të raportuara nga qytetarët (ndryshimi i orarit, shkurtimi/zgjerimi i linjave, vendosja/shënimi i stacioneve të autobusëve, vendosja e linjave të reja).

NTP-ja u përfshi në aksionin për ngritjen e vetëdijes për personat me aftësi të kufizuara dhe së shpejti në bashkëpunim me Qytetin e Shkupit do të realizohet trajnimi i shoferëve për vetëdijesim më të madh për këtë kategori udhëtarësh.

U vazhdua marrëveshja me Qytetin e Shkupit për transport të organizuar falas për personat me aftësi të kufizuara me automjete speciale. Zyrtarisht u mor vendim për lejimin e transportit të qenve shoqërues për personat me aftësi të kufizuara. U zgjerua rrjeti dytësor i shërbimeve të NTP-së.

U.d. drejtor u angazhua për zero korrupsion dhe parandalimin e konfliktit të interesave, ai ishte edhe pjesë e procedurës së vetingut, proces të cilin e filloi Qyteti i Shkupit.

Edhe përkundër rritjes së çmimit të naftës dhe derivateve të naftës, çmimi i të gjitha shërbimeve (biletave) në NTP ka mbetur i njëjtë, dhe nuk ka pasur as reduktim të orarit të udhëtimeve. Me të tri sindikatat është rënë dakord për nënshkrimin e një marrëveshjeje të re kolektive në interes të punëtorëve në NTP. U mundësua blerja/ validimi i biletës me aplikacion celular, dhe në fazën përfundimtare është edhe përgatitja e ueb faqes së re tëndërmarrjes.

U zgjidh problemi shumëvjeçar i NTP-së me statusin e 82 shoferëve të rinj.

U pagua edhe kësti i parë i kredisë së BERZH për 33 autobusë MAN në vlerën 50 milionë denarë.

Në interes të publikut në ditët në vijim do të bëhet e ditur se kush do ta drejtojë ndërmarrjen, ndërsa Qyteti i Shkupit si themelues i NTP-së do të vazhdojë të punojë për përmirësimin e komunikacionit në kryeqytet në interes të të gjithë qytetarëve.