Dje, me sukses perfundoi ankandi elektronik, që është procedura e parë për shitjen e objektit të Qytetit të Shkupit, i cili ndodhet nën Kalanë e Shkupit.

Në thirrjen publike të publikuar më date 17.10.2019, me numrin 01/2019 për shitje të pasurive të patundshme për herë të parë me tender elektronik publik, deri në afatin e fundit është paraqitur vetëm kompania EVN - Maqedoni.

Sipas dispozitave ligjore, dje (04.11.2019) është kryer ankandi publik elektronik me të vetmen kompani dhe është arritur çmimi i kërkuar fillestar nga Qyteti i Shkupit në shumë prej 785.031.818 denarë.

Sipas procedurave të parapara në thirrjen publike, blerësi duhet të paguajë shumën brenda 15 ditësh, pastaj vijon nënshkrimi i marrëveshjes me cka përfundon e tërë procedura.