Ekipet e qytetit të Shkupit kanë përfunduar rikonstruksionin e rrugës dhe të një pjese të trotuareve në rrugën Bihaçka dhe rrugën Crniçe, midis komunave Qendër dhe Kisella Voda. Rruga e dëmtuar është riparuar në gjatësi prej 810 metrash, në pjesën nga kryqëzimi te nënkalimi, e deri te rruga Vostaniçka.

Gjatë rikonstruksionit është heq asfalti i vjetër dhe i dëmtuar, është aplikuar shtresë e re e asfaltit dhe u shënua sinjalizimi horizontal. Gjithashtu, janë rikonstruktuar edhe një pjesë e trotuareve të dëmtuar në këtë pjesë për të mundësuar që këmbësorët të lëvizin pa pengesa.

Qyteti i Shkupit ka shpenzuar rreth 9 milion denarë për rikonstruksionin e këtyre rrugëve.