Kryetarja e Qytetit të Shkupit, Danela Arsovska, së bashku me drejtorin e NP “Ujësjellësi dhe Kanalizimi”, Zlatko Perinski, sot inspektuan ndërtimin e kanalizimit të ri të ujërave të zeza në rrugën “Sofiska” në lagjen Taftalixhe në komunën e Karposhit.

- Realizojmë projekte për përmirësimin dhe avancimin e infrastrukturës në komunën e Karposhit dhe në të njëjtën kohë zgjidhim problemet shumëvjeçare të banorëve përreth me infrastrukturën në këtë pjesë të qytetit. Në rrugën “Sofiska” në lagjen Taftalixhe u ndërtua linjë e re përgjatë vetë rrugës, si dhe u intervenua në sistemin ekzistues në këtë lagje me qëllim përmirësimin e mënyrës së deritanishme të shkarkimit të ujërave të zeza – tha Arsovska.

Linja e re për shkarkimin e ujërave të zeza me gjatësi të përgjithshme 410 metra është lidhur me kanalizimin ekzistues të ujërave të zeza në rrugën “Moskovska” me diametër 400 mm.

- Ndërtimi i kanalizimit të ri të ujërave të zeza në Taftalixhe është një nga një sërë investimesh të planifikuara të NP “Ujësjellësi dhe Kanalizimi”, realizimi i të cilit përfundoi në afatin e parashikuar. Vazhdojmë të punojmë me përkushtim në ndërtimin e rrjetit të ri dhe përmirësimin e rrjetit ekzistues të ujësjellësit dhe kanalizimit në Shkup - theksoi Perinski.