Arsovska me rastin e Ditës Ndërkombëtare të Romëve: Vetëm duke respektuar diversitetin mund të arrijmë progres shoqëror 8.4.2022

Kryetarja Arsovska dhe ambasadori i Indisë E. T. Sanxhaj Rana, morën pjesë në një akademi solemne me rastin e Ditës Ndërkombëtare të Romëve me ftesë të Shaban Saliut, kryetar i Forcave Demokratike të Romëve. Arsovska theksoi se vetëm nëse respektohet diversiteti, me respekt të ndërsjellë, mund të arrihet përparim në shoqëri për të gjithë qytetarët.
“Dita e sotme dhe shënimi i saj simbolizon respektin për komunitetin rom dhe kulturën autentike të tij”, theksoi Arsovska.
Komuniteti rom është pjesë e rëndësishme e shoqërisë sonë, dhe Qyteti i Shkupit gjithmonë do të punojë në drejtim të përfaqësimit të drejtë të komunitetit rom, i cili është pjesë e qytetit tonë multikulturor.
"Sot ne festojmë diversitetin dhe nëse punojmë së bashku dhe respektojmë njëri-tjetrin, mund të arrijmë përparim të madh për të gjithë qytetarët. Të nderuar përfaqësues të komunitetit rom në Maqedoni, miq të dashur, ju uroj festën e sotme”, tha kryetarja Arsovska.