Qyteti i Shkupit i informon qytetarët se prej nesër (09.07.2019 e martë) për shkak të kryerjes së aktiviteteve ndërtimore për realizimin e projektit ”Rikonstruksioni i dilitacioneve  në urën Goce Dellçev në të dy drejtimet” në një pjesë të bulevardit Goce Dellçev do të sillet regjim i përkohshëm i trafikut, që me faza do ta përfshijë pjesën prej te kryqëzimi me bulevardin Shën Kliment i Ohrit deri te kryqëzimi me rrugën Filipi i dytë i Maqedonisë, si dhe në bulevardin Aradhat partizane deri te vet ura.  

Në fazën e parë gjatë punimeve ndërtimore, trafiku në pjesën nga QT  Mavrovasja drejt objektit të Qeverisë do të zhvillohet në dy korsi  rrugore, ndërkaq trafiku nga posta e vjetër drejt Pallatit Gjyqësor do të zhvillohet vetëm në njërën korsi rrugore. Në fazën e dytë gjatë punimeve ndërtimore, trafiku në pjesën nga rruga Filipi i dytë i Maqedonisë drejt bulevardit Ilinden do të zhvillohet vetëm në një korsi rrugore, ndërsa trafiku në drejtimin e kundërt do të zhvillohet në dy korsitë tjera rrugore.

Fazat e regjimit të përkohshëm të trafikut janë me kohëzgjatje prej 20 ditësh, gjithsej 40 ditë.

Qyteti i Shkupit u bën thirrje të gjithë pjesëmarrësve në trafik ta respektojnë sinjalizimin e trafikut dhe regjimin e përkohshëm të trafikut. Në të njëjtën kohë, i lusim të gjithë pjesëmarrësit në trafik për mirëkuptim dhe durim derisa te zgjasin aktivitetet ndërtimore në këtë pjesë të qytetit.