Ekipet e Qytetit të Shkupit dhe NP “Rrugë dhe Rrugica” gjatë ditës së djeshme riparuan dëmtimet e mëdha në rrugët automobilistike në bulevardin “Dimitrija Çupovski” dhe bulevardin “Partizanski Odredi”.

Dje në vendkalimin për këmbësorë në bulevardin “Aleksandar Makedonski”, afër pompës së benzinës Makpetrol u vendos semafor, në kryqëzimin e bulevardit “Bosnja dhe Hercegovina” me rrugën “Lazar Tërpovski” janë bërë përgatitjet për instalimin e semaforit, ndërsa në disa rrugë dhe bulevarde në komunat Butel, Karposh dhe Kisela Voda u vendos sinjalizim vertikal.

Ekipet e Qytetit të Shkupit dhe NP “Rrugë dhe Rrugica” çdo ditë detektojnë dhe riparojnë dëmtimet e rrugëve automobilistike në bulevarde dhe nëpër rrugët e qytetit, por edhe zëvendësojnë apo instalojnë sinjalistikë rrugore shtesë duke rritur në këtë mënyrë sigurinë e të gjithë pjesëmarrësve në trafik.