Kryetarja e Qytetit të Shkupit, Danela Arsovska, nënshkroi marrëveshjen kolektive me sindikatën përfaqësuese të Qytetit të Shkupit, me të cilën pagat rriten për 10 për qind. Kryetarja Arsovska përmbushi premtimin e saj për harmonizimin dhe rritjen e pagave të punëtorëve në Qytetin e Shkupit dhe ndërmarrjet publike. Arsovska theksoi se është e nevojshme që të punësuarit në sektorin publik të jenë efikas, të kryejnë shpejt dhe në kohë punët dhe të ofrojnë shërbime për qytetarët, ndërsa me rritjen e pagës stimulohet përmirësimi i cilësisë së punës.

Për më pak se dy vjet më parë, kryetarja Arsovska, gjatë marrjes së funksionit kryetare e Qytetit të Shkupit, përkrahu iniciativën e Organizatës sindikale të Qytetit të Shkupit dhe nënshkroi Marrëveshjen e re Kolektive me të cilën u zgjeruan të drejtat e punëtorëve në administratën e qytetit, u rritën pikët dhe u rregulluan të drejtat e zjarrfikësve. Po ashtu, Qyteti i Shkupit në vitin 2022 ishte njësia e parë e vetëqeverisjes lokale që në mënyrë lineare i rriti pagat për 2.800 denarë për të gjithë të punësuarit, ndërsa me nënshkrimin e kësaj marrëveshjeje kolektive u bë e mundur rritja e pagës për më shumë se 6.000 të punësuar.