- Gjatë fushatës u detektuan mbi 120 deponi të paligjshme në Shkup. Deri tani në këtë moment kemi pastruar plotësisht mbi 30 deponi, dhe në të njëjtën fazë vendosim mbrojtje në varësi të faktit nëse është pronë shtetërore apo private, që e njëjta të mbrohet dhe të mos hidhen më mbetje. Dhe ky është vetëm një nga hapat, e më pas shërbimet do të fillojnë të ndëshkojnë me gjoba të mëdha, deklaroi për „Vetëm intervistë“ në Kanal 5, kryetarja e Qytetit të Shkupit, Danela Arsovska. 

 

Ajo theksoi se ka një sistem gjithëpërfshirës, një pjesë e deponive janë rehabilituar, ndërsa një pjesë janë pastruar plotësisht.  

 

- Ajo me të cilën do të fillojmë do të jenë gjoba të rënda prej mijëra eurosh dhe askush nuk do të kursehet nëse kërcënon shëndetin dhe jetën e shkupjanëve, tha Arsovska. 

 

- Gjithashtu do të vihet në përdorim edhe dron i cili do të detektojë deponitë e paligjshme, ndërsa shërbimet do të plotësohen me personel dhe do të fillojnë të punojnë me turne. Në asnjë rast nuk do të ketë falje, do të veprohet në të njëjtën kohë sipas disa  ligjeve, plotësoi Arsovska. 

 

Ajo sqaroi se rrallë herë kjo bëhet nga individë, përkundrazi, dikush merr para që këto mbetje të shkojnë në një deponi të paligjshme në vend që të shkojnë në deponi adekuate për këtë qëllim.

 

- Çfarë po ndodh, kishte një deponi shumë të madhe e cila zinte dy parcela të mëdha ku hidheshin mbetje në mënyrë aktive dhe të njëjtat digjeshin që të zvogëlohej volumi për të pasur mundësi përsëri të hedhin mbetjet në të njëjtin vend, potencoi Arsoska.