Qyteti i Shkupit përfundoi punët ndërtimore për rikonstruksionin e rrugës "Slavejko Arsov" në komunën Qendër, duke realizuar kështu edhe një premtim për realizimin e projektit nga programi “Për Shkupin Modern”. Rikonstruksioni i kësaj rruge, e cila ishte në gjendje katastrofike, është një kërkesë prej dekadash nga ana e qytetarëve.

Rikonstruksioni i plotë i rrugës “Slavejko Arsov” dhe degëve të saj u realizua me kërkesë të banorëve me qëllim rritjen e sigurisë në komunikacion rrugor në këtë pjesë të qytetit. Punët ndërtimore në një sipërfaqe prej 4.700 metrash katrorë dhe gjatësi 1000 metra i realizoi ndërmarrja publike “Rrugë dhe Rrugica” - Shkup.