KRYETARJA E QYTETIT TË SHKUPIT, ARSOVSKA U TAKUA ME AMBASADORIN DEJVID GIR, SHEF I DELEGACIONIT TË BE-së NË SHKUP 11.11.2021

Kryetarja e Qytetit të Shkupit, Danela Arsovska sot u takua me Shefin e Delegacionit të Bashkimit Evropian në Shkup, ambasadorin Dejvid Gir. 
Në takim u fol për sfidat që e presin Qytetin e Shkupit, ndërsa Arsovska e informoi ambasadorin Gir për prioritetet e administratës së re në katër vitet e ardhshme me qëllim krijimin e një jete më cilësore për qytetarët, por edhe për përmbushjen dhe realizimin e të gjitha projekteve të parashikuara me programin e Qytetit të Shkupit.
 
Ambasadori Gir e uroi Arsovskën për zgjedhjen e saj si kryetare e Qytetit të Shkupit, duke i dëshiruar punë të suksesshme dhe zgjerim dhe thellim të bashkëpunimit ndërmjet Qytetit të Shkupit dhe Delegacionit të Bashkimit Evropian në Shkup. Ai shtoi se shpresojnë që qyteti i Shkupit do të vazhdojë të zhvillohet, në mënyrë që të bëhet një qytet më i pastër dhe më ekologjik, qytet i cili ofron shërbime më të mira dhe synon të shndërrohet në një qytet digjital.