Kryetarja e Qytetit të Shkupit, Danela Arsovska inspektoi aktivitetet për pastrimin intensiv të deponive të paligjshme në komunat e Butelit, Sarajit dhe Karposhit. 

Qyteti i Shkupit tashmë filloi me pastrimin e deponive të paligjshme të identifikuara nëpër vendbanime në shumë lokacione në Qytetin e Shkupit.

- Në këto 82 ditë të para të mandatit tim si kryetare e Qytetit do të punojmë në realizimin e të gjitha projekteve të parashikuara afati i zbatimit të të cilave është pikërisht 82 ditë, dhe pastrimi i deponive është një nga prioritetet kryesore. Në këto lokacione parashikohen sipërfaqe të reja të gjelbra, dhe shkupjanët do të kenë një metropol të pastër, të gjelbër dhe modern evropian – deklaroi Arsovska gjatë inspektimit të aktiviteteve në terren. 

Me rehabilitimin e të gjithave deponive të paligjshme në territorin e Shkupit, do të kontribuohet në mënyrë të ndjeshme në zvogëlimin e ndotjes së ajrit, si dhe ndotjes dhe ujërave dhe tokës.

Në të njëjtën kohë, në bashkëpunim me komunat e tjera të qytetit, por edhe në bashkëpunim me shoqatat dhe qytetarët identifikohen lokacione shtesë në të cilat ekzistojnë deponi të paligjshme.