Kryetarja e Qytetit të Shkupit, Danela Arsovska, sot u takua me ambasadorin e Republikës së Italisë në Shkup, Andrea Silvestri.

Ambasadori e uroi Arsovskën për zgjedhjen e saj si kryetare e Qytetit të Shkupit, ndërsa ajo e njohu me programin e saj për të cilin do të angazhohet katër vitet e ardhshme, që ka për qëllim zhvillimin e përshpejtuar të qytetit në të gjitha segmentet dhe arritjen e vizionit për Shkupin modern.

Të dy bashkëbiseduesit shprehën dëshirën për thellimin e bashkëpunimit ndërmjet Qytetit të Shkupit dhe Ambasadës së Republikës së Italisë, nëpërmjet shkëmbimit të eksperiencave dhe praktikave pozitive në sfera të ndryshme të jetës shoqërore.