Kryetari Petre Shilegov dhe Kryetraja e Këshillit të Qytetit të Shkupit, Ljubica Jançeva, u takuan sot me përfaqësuesit e Këshillit të qytetit të Lidhjes së Luftëtarëve të luftës antifashiste nacionalçlirimtare, me rastin e shënimit të 13 Nëntorit – Dita e çlirimit të Shkupit.

Në takim, Shilegovi i falënderoi luftëtarët për luftën vetëmohuese dhe sakrifikuese për lirinë të cilën kanë dëshiruar brezat e shkupjanëve, gjithashtu  u uroi shëndet të mirë dhe bashkëpunim të suksesshëm edhe më tutje.

Kryetari Shilegov theksoi se duke treguar respekt dhe vëmendje ndaj figurës dhe veprave të njerëzve që sakrifikuan jetën e tyre për lirinë tonë, tregojmë se sa shumë e duam qytetin tonë dhe vendin tonë.