Arsovska: Të konsolidohen financat në NTP për një transport publik më të mirë 14.1.2022
Kryetarja e Qytetit të Shkupit, Danela Arsovska në emisionin „Klik Plus“ në ТV 21 ku ishte e ftuar, theksoi se çdo hap drejt përmirësimit të transportit publik është diçka e rëndësishme për qytetarët.
„Me kërkesë të qytetarëve, u kthyen linjat e natës dhe u bënë ndryshime të caktuara në orarin e udhëtimeve. Besoj se me këtë u mundësuam qytetarëve për të cilët kjo ishte e rëndësishme, të ndryshojnë më lehtë përditshmërinë e tyre. Ka filluar rishikimi i punës së NTP-së në vitet që kaluan, sepse kjo ndërmarrje vite me radhë punon me humbje dhe kryesisht është e varur financiarisht nga dotacionet të cilat i merr nga Qyteti i Shkupit. Hapi i ardhshëm që duhet të bëhet është konsolidimi i financave dhe sipas drejtorit të NTP-së, ndërmarrja nga përfituesit e shërbimeve gjeneron të ardhura rreth 200.000 denarë në ditë, që është një shumë absolutisht minimale mjetesh.
Kryetarja e Qytetit të Shkupit njoftoi që Qyteti do të vazhdojë me praktikën e dotacioneve në buxhetin e NTP-së.
„Do të punojmë në drejtim të realizimit të asaj që kemi menduar dhe mundësimit gradual për transport publik falas për shkupjanët. Në radhë të parë është e domosdoshme që të optimizohet orari i udhëtimeve, të sigurohen autobusë cilësorë për qytetarët, janë të nevojshëm autobusë ekologjikë me emetime minimale në ajër. Me optimizmin e këtyre proceseve dhe me plotësimin e të gjithë asaj që kemi vënë në programin tonë do të arrijmë qëllimin afatgjatë“.
Për sa i përket sulmeve nga kundërshtarët politikë në lidhje me transportin falas, Danela Arsovska është optimiste për realizimin e synimeve të përcaktuara.
„Në këtë moment besoj se nuk ka person më të sulmuar sesa unë në Maqedoni dhe ka ditë kur ndjehem sikur jam kryerja e vetme. Edhe përkundër të gjitha sulmeve dhe manipulimeve në publik nga ana e kundërshtarëve të mi, ajo që do të ndodhë në qytetin e Shkupit në periudhën që vjen do jetë jashtëzakonisht funksionale, cilësore dhe shumë më e mirë sesa ajo që i ka ndodhur Shkupit vitet e kaluara. Ai që humbet ka të drejtë edhe të zemërohet, megjithatë këto sulme në momente janë degutante“, konsideron Arsovska.
- ВЕСТИ
- 27.02.2024 - NJOFTIM PUBLIK
- 22.02.2024 - NJOFTIM PUBLIK
- 19.02.2024 - NJOFTIM PUBLIK
- 19.02.2024 - Njoftim për fitimin e së drejtës së përdorimit pa pagesë të vendeve për vendosjen e pllakateve zgjedhore.
- 15.02.2024 - NJOFTIM PUBLIK
- 14.02.2024 - NJOFTIM PUBLIK
- 08.02.2024 - NJOFTIM PUBLIK
- 08.02.2024 - NJOFTIM PUBLIK
- 06.02.2024 - NJOFTIM PUBLIK
- 05.02.2024 - NJOFTIM PUBLIK