Me rastin e festës së krishterë të Shën Trifunit, kryetarja e Qytetit të Shkupit, Danela Arsovska së bashku me kryetarin e komunës Gjorçe Petrov, Aleksandar Stojkoski sot morën pjesë në krasitjen tradicionale të vreshtave në Kuçkovë të Shkupit, komuna Gjorçe Petrov.

Tradicionalisht, kjo festë e krishterë festohet në fshatin Kuçkovë të Shkupit, në manastirin kushtuar martirit dhe shëruesit të madh, Shën Trifunit.

Kryetarja Arsovska uroi festën e cila tradicionalisht festohet çdo vit për nder të Shën Trifunit, mbrojtësit të vreshtarëve, duke uruar një vit të mbarë për të gjithë.

 “Në kremtimin e festës së krishterë Shën Trifuni theksoj dëshirën për shëndet të mirë dhe rendiment të lartë të vreshtave”, tha kryetarja e Qytetit të Shkupit, Danela Arsovska.

Shën Trifuni është festa e vreshtarëve, për pjellorinë e vreshtave, por si çdo festë, është festë për shëndetin e familjes.