Gjatë fundjavës ekipet e NP “Parqe dhe Gjelbërim” realizuan aksion për pastrimin e bregut të lumit Vardar, si dhe Parkut të qytetit, nga mbetjet e hedhura në shumë lokacione, si pranë bregut, ashtu edhe në sipërfaqet e gjelbra.

Janë pastruar gjethet që bien në korsinë e këmbësorëve përgjatë bregut, si dhe mbetjet në korsinë e këmbësorëve pranë shtratit të lumit, ku çdo ditë shkupjanët merren me sport dhe rekreacion. I njëjti aksion u krye edhe në Parkun e Qytetit, ku u pastruan të gjitha korsitë për shëtitje prej betoni, si dhe sipërfaqet e gjelbra të mbushura me mbetje gjatë fundjavës.   

Ekipet e NP “Parqe dhe Gjelbërim” vazhdojnë me aksionet ekologjike kudo që të jetë e nevojshme dhe pas shfaqjes së videos në të cilën shikohet se si hidhen qëllimisht mbetje në bregun e lumit  Vardar, apelojnë për ruajtjen e mjedisit dhe mbrojtjen e brezave të gjelbër në të gjitha vendbanimet në qytetin e Shkupit.