Kryetarja e Qytetit të Shkupit, Danela Arsovska emëroi Kristijan Stamenovin për u.d. të ri drejtor i IP Kopshti Zoologjik i qytetit të Shkupit, pasi drejtori i mëparshëm Gjorgji Galetanovski dha dorëheqjen nga ky funksion.  

Stamenov nga viti 2011 është i punësuar në Kopshtin Zoologjik në Shkup në pozitën kujdestar i pavarur në ZOO. Stamenov është ekonomist i diplomuar në fushën e marketingut.  

Përveç Stamenov, Tina Mickovska deri më tani në detyrën përgjegjëse për marrëdhënie me publikun në Kopshtin Zoologjik në Shkup, nga sot është zëvendëse e drejtorit të ri të Kopshtit Zoologjik.  

Projektet kryesore në të cilat do të fokusohet menaxhmenti i ri i Kopshtit Zoologjik janë rivitalizimi i të gjitha habitateve të jashtme, ndërtimi i qendrës për hiporehabilitim në vend të pajtonit të qytetit, vënia në funksion e qendrës shumëqëllimore me qëllim edukimin e fëmijëve të moshës parashkollore dhe shkollore si dhe ndërtimi i parkut për fëmijë. Kopshti Zoologjik në Shkup në bashkëpunim me Qytetin e Shkupit do të punojë edhe në vendosjen e burimeve të ripërtërishme të energjisë në të gjitha objektet e Kopshtit Zoologjik.