Qyteti i Shkupit së bashku me ndërmarrjet publike dhe në koordinim me Komunën e Gazi Babës po e realizon me sukses aksionin pranveror në territorin e kësaj komune.

Në kuadër të aksionit të madh për pastrimin gjeneral të komunës së Gazi Babës, NP Higjiena Komunale bëri pastrimin e deponisë së egër të madhe që gjendet në oborrin e ish objektit administrativ të Institucionit Publik për përkujdesje të fëmijëve me probleme social-edukative “Ranka Milanoviç”, që ndodhet në rrugën Pero Rruga Nakov. Nga ky lokacion janë larguar 40 metra kub mbeturina.

Që nga fillimi i aksionit për pastrimin e Komunës së Gazi Babës, nga enët speciale që NP Higjiena Komunale i instaloi në pesë lokacione në këtë komunëu mblodhën dhe u transportuan afër 50 metra kub mbeturina të rënda nga ekipe t e ndërmarrjes. Ekipet e NP "Higjiena Komunale" i pastruan manualisht dhe makineri bulevardet dhe rrugët, si dhe dezinfektuan kontejnerët në sipërfaqet publike.

Ekipet e NP "Rrugë dhe rrugica" riparuan gropat goditëse në 5 bulevarde dhe rrugë. Në bulevardin Aleksandri i Maqedonisë dhe Kiro Gligorov dhe rrugët Metodija Andonov Çento, Maxhari dhe Pero Nakov, janë riparuar gropat goditëse me sipërfaqe totale prej 210 metra katrorë. Me qëllim të rritjes së sigurisë në komunikacion në këtë pjesë të qytetit, ekipet e NP “Rrugë dhe rrugica” në rrugën “Bllagoja Stefkovski” vendosën dy platoja për uljen e shpejtësisë së automjeteve dhe rinovuan sinjalizimin vertikal të në bulevardet Aleksandri i Maqedonisë dhe Kiro Gligorov, ndërsa në rrugën Pero Nakov janë vendosur shenja të reja të komunikacionit dhe janë riparuar të dëmtuarat. Në kuadër të aksionit është kryer kontroll e sinjalizimit ndriçues.

Ekipet e NP "Parqe dhe Gjelbërim" realizuan një sërë aktivitetesh për rregullimin e gjelbërimit përgjatë bulevardit dhe rrugëve: Aleksandri i Maqedonisë, Kiro Gligorov, Blagoja Stefkovski, Koce Metalec, Metodija Andonov Çento, si dhe në rrugën 808. Në dy bulevardet dhe katër rrugët, u kositen sipërfaqet e barit rresht drurët, ndërsa u mblodhën gjethe, letra dhe mbeturina. Në kuadër të këtij aksioni, NP Parqe dhe Gjelbërim grumbulloi 10 kamionë të mbushur me mbeturina.

Qyteti i Shkupit, së bashku me ndërmarrjet publike dhe në koordinim me Komunën e Gazi Babës, po e realizon aksionin pranveror nga data 11 prill deri më 17 prill në territorin e tërë komunës.