Kryetarja e Qytetit të Shkupit, Danela Arsovska, sot mbajti në takim koordinues me kryetarin e Komunës së Karposhit, Stevço Jakimovski dhe përfaqësues të bashkësive urbane nga Komuna e Karposhit. Në takim morën pjesë edhe përfaqësues të ndërmarrjeve publike dhe administratës së Qytetit të Shkupit.

Ekipet e Qytetit të Shkupit dakorduan bashkëpunim mujor me Komunën e Karposhit për t'u njohur me të gjitha problemet që kanë qytetarët dhe për t'iu përgjigjur kërkesave të tyre të cilat më së shumti janë nga fusha e komunikacionit, rregullimit të hapësirës me gjelbërim dhe higjienës komunale. Kërkesat e paraqitura nga qytetarët do të jenë pjesë e planit aksionar me projekte të cilat Qyteti i Shkupit do t'i realizojë në vendbanimet e kësaj komune.

Përfaqësuesit e Qytetit të Shkupit dhe ndërmarrjeve publike tashmë kanë filluar aktivitetet në terren për vlerësimin e plotë të gjendjes së lagjeve në Komunën e Karposhit, që përbëhet nga 13 bashkësi urbane dhe 1 bashkësi vendore.

Kryetarja, Danela Arsovska dhe ekipe nga Qyteti i Shkupit në periudhën që kaloi realizuan takime me përfaqësues të bashkësive vendore dhe urbane të komunave në qytetin e Shkupit. Qëllimi i këtij aktiviteti të Qytetit të Shkupit është ballafaqimi me problemet reale të qytetarëve dhe mundësimi i rritjes dhe zhvillimit të shpejtë dhe të balancuar të të gjitha komunave dhe vendbanimeve në to.