Ekipet e NP “Rrugë dhe Rrugica” vazhdojnë me aktivitetet për rikonstruksionin dhe riparimin e korsive për këmbësorë në Parkun e qytetit, me sipërfaqe të përgjithshme 18 mijë metra katrorë.

Në kuadër të këtyre aktiviteteve, me urdhër të Qytetit të Shkupit, një pjesë e korsive po rikonstruktohen plotësisht, po riparohen korsitë e dëmtuara, ndërsa në disa pjesë po ndërtohen korsi të reja.

Rikonstruksioni i korsive realizohet në faza, ndërsa momentalisht po punohet në pjesën e dytë të Parkut të qytetit, përkatësisht në segmentin nga fundi i Kopshtit Zoologjik deri te Luna park, ku po asfaltohen korsitë për këmbësorë në një sipërfaqe prej rreth 600 metra katrorë.

Qyteti i Shkupit vazhdon me aktivitetet për mirëmbajtjen e infrastrukturës ekzistuese, ndërtimin e korsive të reja për rekreacion të qytetarëve, si dhe ngritjen e brezave të rinj të gjelbër nëpër vendbanimet në Shkup.