165 kërkesa të qytetarëve të zgjidhura nëpërmjet adresës elektronike 24@skopje.gov.mk të Qytetit të Shkupit 16.12.2021

Vetëm 10 ditë pasi Qyteti i Shkupit vuri në funksion adresën elektronike për komunikim me qytetarët 24@skopje.gov.mk, në të njëjtën arritën 213 kërkesa nga qytetarët, nga të cilat 165 tashmë janë zgjidhur, ndërsa pjesa e mbetur është në fazën e zgjidhjes.  
 
Në këtë adresë elektronike qytetarët mund të raportojnë problemet e tyre, ndërsa administrata e qytetit është e obliguar t’u përgjigjet kërkesave të qytetarëve në një afat nga 24 deri në 72 orë. Hapja e adresës elektronike për komunikim me shkupjanët është vetëm një pjesë e projektit “Qyteti i hapur 24 orë”. Para festave të Vitit të Ri do të hapet Zyra për komunikim me qytetarët për nevojat e tyre dhe shërbimi për reagim të shpejtë me thirrjen e tyre. 
 
Numri më i madh i  kërkesave të depozituara nga qytetarët kanë të bëjnë me zgjidhjen e problemeve nga higjiena komunale, komunikacioni, parkingu i qytetit, raportime pranë inspektoratit të Qytetit të Shkupit dhe informacione në lidhje me subvencionet e qytetit.