Në seancën e sotme të Këshillit të Qytetit të Shkupit, do të shqyrtohet Propozim-Buxheti i Qytetit të Shkupit për vitin 2021.

Në kushtet e përkeqësimit të dukshëm të mirëmbajtjes ekonomike ndërkombëtare dhe krizës së madhe ekonomike, si rezultat i pandemisë shëndetësore, Buxheti i Qytetit të Shkupit për vitin 2021 u përgatitet duke zbatuar parimet e ekonomizimit, racionalitetit, përgjegjësisë fiskale, llogaridhënies dhe transparencës, në mënyrë që të sigurohen të gjitha kompetencat ligjore të Qytetit të Shkupit, me planifikim dhe realizim më të mirë të buxhetit.

Planifikimi i mjeteve përmes programeve të përcaktuara kontribuon në transparencë më të madhe të shpenzimeve të planifikuara dhe të realizuara, si dhe përdorimin racional të tyre.

Në përputhje me vlerësimet dhe analizat e bëra, me Projekt-Buxhetin e Qytetit të Shkupit për vitin 2021 propozohet vlera prej 7.2 miliard denarë e të ardhurave totale dhe të hyrave të tjera.

Në propozimin planifikohet edhe një pjesë e të ardhurave të mbetura në vitet e mëparshme, në vlerë prej 477,000,000 denarë.

Duke krahasuar me vitin 2020, buxheti i propozuar i Qytetit të Shkupit për vitin 2021 zvogëlohet për 8.5%.

Të hyrat e planifikuara dhe të hyrat tjera në Projekt-buxhetin e Qytetit të Shkupit për vitin 2021, sipas kategorive janë paraqitur në tabelën më poshtë, si dhe pjesa individuale e secilës kategori të të ardhurave dhe të hyrave të tjera në buxhetin e përgjithshëm.

Shpenzimet e planifikuara dhe të dalat tjera në Projekt-Buxhetin e Qytetit të Shkupit për vitin 2021, sipas kategorive të shpenzimeve janë paraqitur në Tabelën 2, si më poshtë:

Vlerat e secilit nga buxhetet individuale prej të cilave përbëhet buxheti i përgjithshëm i Qytetit të Shkupit për vitin 2021 janë evidentuar më poshtë në tabelë.

Në grafikun është bërë krahasimi mes buxhetit të Qytetit të Shkupit për vitin 2021 dhe viti 2020.