Gjatë javës së kaluar me mjetet speciale merimangë janë larguar nga sipërfaqet publike gjithsej 80 automjete. Automjetet e parkuara në mënyrë të parregullt janë hequr me urdhër të policisë rrugore, për parkim në rrugë, shteg për biçikleta, vendkalim për këmbësorë, trotuar, sipërfaqe të gjelbër, në kundërshtim me shenjat e trafikut, si dhe me thirrje nga një person i tretë.

Ndërmarrja Publike “Parkingu i Qytetit” u bën thirrje qytetarëve që të ruajnë gjelbërimin dhe sipërfaqet tjera publike, ndërsa automjetet e tyre t’i parkojnë ekskluzivisht në parkingjet e shënuara. U bëjmë thirrje të gjithë përdoruesve të shërbimeve për parkim që të rregullojnë me kohë pagesën e shërbimit të parkimit, e cila mund të bëhet me SMS ose me kartë.