Qyteti i Shkupit njofton qytetarët se mjetet financiare për kondicionerët inverter për ngrohjen e amvisërive janë shterur. Në ditët në vijim, Qyteti i Shkupit do t’i shqyrtojë kërkesat e arritura për subvencione dhe nëse vërtetohet se nuk janë shterur të gjitha mjetet e parapara për këtë qëllim, ekziston mundësia për të vazhduar thirrjen, për të cilën opinioni do të informohet me kohë. Që nga hapja e thirrjes publike për subvencionimin e kondicionerëve inverter, deri më tani kanë arritur 1.656 aplikime. Thirrja publike për dhënien e subvencioneve për kondicionerët inverter për ngrohjen e amvisërive i përfshin qytetarët që kanë blerë inverter nga 01.01.2021, deri në fund të thirrjes më 01.11.2021 ose deri në ditën e shterimit të mjeteve. Në këtë thirrje qytetarët kanë aplikuar online. Sipas kushteve në thirrje, qytetarëve do t’i kompensohen plotësisht mjetet për blerjen e kondicionerëve inverter, por jo më shumë se 62,000 denarë në vlerë neto.