Kryetarja e Qytetit të Shkupit, Danela Arsovska, sot i dërgoi një mesazh urimi kreut të Kishës Ortodokse Maqedonase – Kryepeshkopata e Ohrit, z.z. Stefan, priftërisë dhe murgjërisë, si dhe të gjithë besimtarëve ortodoksë në Maqedoni dhe diasporë me rastin e festës së madhe të krishterë - Epifania.

Me rastin e kremtimit të festës së madhe të krishterë Epifania, simbolit të lindjes shpirtërore dhe shpëtimit, kryetarja Arsovska mori pjesë në hedhjen e Kryqit të Bekuar në ujërat e lumit Vardar në urën “Liria”, që sot për herë të tretë arriti ta kapë Kristian Ninevski, të cilit Qyteti i Shkupit i uroi sukses dhe lumturi dhe tradicionalisht i dhuroi monedhë ari dhe një ikonë.

“Gëzuar festën e madhe të krishterë të Epifanisë – Uji i Bekuar ju uroj paqe, shëndet dhe gëzime. Të kultivojmë humanizmin dhe solidaritetin, të jetojmë në mirëkuptim dhe harmoni, me kujdes dhe vëmendje për të gjithë. Gëzuar dhe qoftë e përjetshme festa e Epifanisë – Uji i bekuar! Zoti u shfaq!” – tha Arsovska.