Për të mbrojtur shëndetin e qytetarëve, Qyteti i Shkupit ka ndërmarrë aksion për dezinfektimin e rrugëve në vendbanimin Batincë, afër deponisë Drisla.

Gjatë aksionit është përdorur një automjet special për këtë qëllim, dhe janë larë shumë rrugë në vendbanimin Batincë, si dhe rruga kryesore nga kryqëzimi para hyrjes për në Draçevë deri në hyrje të deponisë Drisla.

Aktivitetet për pastrimin dhe dezinfektimin e hapësirave publike në qytet kanë për qëllim ngritjen e nivelit të higjienës publike dhe mbrojtjen e shëndetit të qytetarëve nga përhapja e koronavirusit.