Qyteti i Shkupit i është bashkuar fushatës së Agjencisë për rini dhe sport dhe Ministrisë të punëve të brendshme për të parandaluar dhunën e çdo lloji, me fokus të veçantë dhunën ndër moshatare dhe gjuhën e urrejtjes. Për qëllimet dhe aktivitetet e ndërmarra si pjesë e kësaj fushate në konferencën për media që sot u mbajt në ambientet e Qytetit të Shkupit, folën kryetari Petre Shilegov, zëvendës ministri i punëve të brendshme, Agim Nuhiu dhe drejtori i Agjencisë për rini dhe sport, Darko Kaevski.

- Motoja e kësaj fushate është "Dhuna prodhon dhunë - ndaloje atë, mos e nxit", dhe ky është pikërisht qëllimi i fushatës, për të rritur ndërgjegjësimin e nxënësve të shkollave të mesme që të ndërtojnë sjellje aktive ndaj parandalimit të dhunës, fillimisht përmes njohjes së saj , dënimit moral të dhunës në të gjitha format dhe llojet e saj, masat për mbrojtje nga dhuna, si dhe të kuptuarit e pasojave të dëmshme të dhunës. Këtë fushatë e lidhëm me projektin "Për qytet të sigurt" në të cilin Qyteti i Shkupit u bashkua me shkollat ​​e mesme vitin e kaluar, në mënyrë që, përveç të tjerave, të ndikon aktivisht në uljen e dhunës në shkollat ​​e mesme.

Në këtë drejtim, për të dytin vit radhazi, në shkolla organizohen punëtori dhe tribuna për zvogëlimin dhe parandalimin e dhunës midis nxënësve. Tashmë në të gjitha shkollat e mesme janë krijuar ekipe për siguri të përbërë nga pedagog/ psikolog, përfaqësues i Këshillit të prindërve, përfaqësues të policisë, profesorë, nxënës. Ekipet kanë për detyrë të detektojnë shkaqet e mundshme të dhunës dhe të veprojnë në mënyrë parandaluese - tha sot kryetari Shilegov.

Ai shtoi se siguria e qytetarëve është ndër prioritetet e Qytetit të Shkupit dhe në këtë drejtim Qyteti është i hapur për bashkëpunim dhe mbështetje të të gjitha institucioneve që synojnë rritjen e sigurisë së qytetarëve.

- Në pjesën e edukimit dhe parandalimit me forca të përbashkëta mund të arrijmë shumë, prandaj bëj thirrje për përfshirje sa më të madhe të qytetarëve në projekte të këtij lloji sepse në fund të ditës ne e bëjmë këtë për të mirën e të gjithë neve" - theksoi Shilegov.