Shërbimet e shërbimit dimëror mbrëmë dhe në mëngjes janë në terren dhe pastrojnë bulevardet dhe rrugët nën kompetencat e Qytetit, të cilat janë të pastra dhe të kalueshme. Nga fillimi i reshjeve të borës deri më tani janë hedhur 300 ton kripë.

Pastrimi i rrugëve automobilistike dhe trotuareve kryhet nga ekipet e ndërmarrjes publike “Rrugë dhe Rrugica”, në dispozicion është edhe mekanizimi i ndërmarrjeve publike të tjera të qytetit. Përveç pastrimit të rrugëve, aktive janë edhe ekipet e ndërmarrjeve të tjera publike të cilat ndërhyjnë me njerëz dhe mekanizim në pastrimin e hapësirave publike, pastrimin e drurëve të rënë dhe ulluqeve.

Edhe gjatë ditës së sotme vazhdojnë aktivitetet e shërbimit dimëror të cilat monitorojnë nga afër gjendjen e rrugëve të qytetit dhe do të ndërhyjnë sipas nevojës, sipas kushteve në terren. 

Qyteti i Shkupit u rekomandon drejtuesve të automjeteve të lëvizin me kujdes dhe t’u përmbahen kushteve të rrugëve automobilistike. Ju kujtojmë që kripa industriale ka efekt deri në - 7 gradë celsius dhe për shkak të temperaturave të ulëta është e mundur edhe shfaqja e akullit në rrugë, prandaj apelojmë për kujdes të madh në trafik.

Kujtojmë që nën kompetencat e Qytetit të Shkupit janë bulevardet dhe rrugët më të mëdha në qytet, ndërsa rrugët e tjera janë nën kompetencat e komunave dhe ato janë kompetente për pastrimin dhe mirëmbajtjen e tyre.

U bëjmë apel të gjitha subjekteve ekonomike në qytet dhe të gjithë qytetarëve, që kur bie borë, të respektojnë dispozitat ligjore dhe të pastrojnë borën dhe akullin nga hyrjet deri në objektet e tyre ekonomike, përkatësisht banesore.